Wednesday, January 8, 2014

පිරිමි ලැප්ටොප් භාවිතා කරන්නේ බලාගෙනයි!


වර්තමානයේදී ජංගම පරිගණක හෙවත් ලැප්ටොප් පරිගණක භාවිතය සිඝ්‍රයෙන් ඉහළ ගොස් තිබේ. ලැප්ටොප් පරිගණකය නිර්මාණය වීම ඇත්තෙන්ම තාක්ෂණයේ ඉදිරි පිම්මක් වුවද , නිවැරදිව ලැප්ටොප් පරිගණක භාවිතා නොකිරීම මගින් පිරිමින් වඳ භාවයට පත්වීමේ අවධානමක් ඇති බව විද්‍යාඥයන් පෙන්වා දෙති. 

ඕනෑම පරිගණකයකින් තාපය නිපදවන අතර එය සිසිලනය සඳහා වෙනම විදුලි පංකා සහිත සිසිලන පද්ධතියක් තිබේ. එහෙත් ඒ හා අවට උපාංගද , පරිගණකයේ ආවරණයන්ද මෙම තාපය නිසා උණුසුම් වේ. මෙම කවරයන් හා උපාංගද වාතය මගින් සිසිලනය වන අතර ඒ හා සමීප වස්තූන් ද විකිරණය මගින් උණුසුම් කරයි. පිරිමින් තම කළවා මත මෙම ලැප්ටොප් පරිගණකය තබාගෙන එය සමග අන්තර්ක්‍රියා කිරීමේදී, කළවා මෙන්ම වෘෂණ කෝෂ ද උණුසුම් වේ. වෘෂණ කෝෂ සෙල්සියස් අංශක 2-3 අතර ප්‍රමාණයකින් වැඩිවීම ශුක්‍රාණු විනාශ වීම, විකෘත වීම ට ඉවහල් වේ. 

ඇත්තෙන්ම වෘෂණ කෝෂ උෂ්ණත්වයට අති සංවේදී වේ. එමෙන්ම වෘෂණ කෝෂ ශරීර උෂ්ණත්වයෙන් සෙල්සියස් අංශක 3-4 අතර පහළ අගයක පවතියි. බාහිර පරිසරයේ උෂ්ණත්වය අඩු වූ විට වෘෂණයන් ශරීර කුහරයට ආසන්න වන අතර වැඩිවූ විට ලිහිල් වී එල්ලා වැටේ. එහෙත් මෙම එල්ලා වැටීම සිදු කළ හැකි උපරිම දුරක් ඇත. එබැවින් ලැප්ටොප් භාවිතාව වැනි දේ නිසා වෘෂණයන් හි උෂ්ණත්වය ඉහළ යෑම වෘෂණයන්ට කොහෙත්ම දරාගත නොහැකි වේ. 

එබැවින් ලැප්ටොප් පරිගණක භාවිතාවේදී කළවා මත නොතබාගෙන සිටීමට හැකි තරම් උත්සහ කරන්න. මෙය ඔබ දරුවකු පිළිසිඳ ගැනීමට බලාපොරොත්තු වන කාලයේදී කිසි සේත්ම නොකිරීමට වගබලාගන්න.

No comments:

Post a Comment